على عكس اتجاه التيار السائد الآن في مصر، أنشأ عدد من الشباب مجموعة على الفيس بوك تحت اسم "رابطة كارهي المطرب محمد منير"، على غرار المجموعات التي ظهرت على نفس الموقع لتعلن حبها أو كراهيتها لمجموعة من الشخصيات العامة، إلا أن الغريب أن هذه الجروب تأتي في وقت يلاقي فيه محمد منير رواجا غير محدود بين الشباب الذين يعانون من ظاهرة "هوس منير"، ولا أدل على أن الشباب يلقبونه بـ"الملك".وعلي الرغم من أن مؤسس المجموعة كتب في المقدمة: "الجروب ده لأي حد في أي حتة في الكون عايز يقول رأيه، بشرط أنه يقوله بأدب"، إلا أنه هو نفسه يقول في وصف المجموعة: "أنا عارف إن مفيش حد بيكره (الشيء) ده في مصر، وحقيقي مش فاهم ليه؟ لكن أنا قلت أعمل محاولة يمكن ألاقى حد. أرجوك لو أنت بتكره الشيء ده انضم معايا، راجعوا نفسكم يا جماعة".
وكأن إطلاق لفظ "شيء" على إنسان لا يعد تجاوزا لحدود الأدب واللياقة!
راجع نفسك
وعلى الرغم من انضمام عدد قليل إلى هذه المجموعة، إلا أنها شهدت نقاشا حادا بين مؤسسها والمقتنعين بفكرتها من ناحية، وبين محبي "الكينج" الذين انضموا للمجموعة من أجل الدفاع عن مطربهم المفضل، حيث جاء أول تعليق على الجروب من أحد أصدقاء مؤسسه يقول له فيه: "أنا دخلت الجروب بس علشان أقولك راجع نفسك وأقفل الجروب ده يا إما هقطع معاك.. في حد يكره منير يا راجل؟ حرام عليك". فيما جاء ثاني تعليق في صيغة سؤال إلى صاحب المجموعة، قال كاتبه: "الغريبة إنك ماقولتش سبب واحد لكرهك للمك محمد منير". فيما جاء التعليق الثالث من "نانا أحمد" تقول فيه لمؤسس المجموعة "أنا معاكو أوي".
الأكثر غرابة هي مجموعة تعليقات جاءت لتؤكد كراهيتها لمنير لأسباب دينية(!)، ومنهم "حاتم عبد المنعم" الذي كتب: "أنا كنت بسمع محمد منير لكن لما نزل شريط (مدد يا رسول الله) قولت ربنا يهديه، لأن كلمة مدد أساسا حرام لغير الله، بس اللي يغيظ أنه الشريط اللي بعد مدد يا رسول الله على طول كان أسمه (أحمر شفايف).. لا تعليق.. بس اللي خلاني أكرهه أوي أنه في شريطه الأخير في أغنيه اسمها (محتاج أتوب).. وكان الإنسان مش لازم يتوب عن أخطائه".
أما "منى مصطفي" فقالت: "أنا بكرة محمد منير لأنهم بيقولوا عليه صوت مصر، إزاي صوت مصر يبقى مبهدل كده وعامل نفسه فاهم كل حاجة وهو أصلا ولا فاهم حاجة و بتاع بنات وحشاش وبيشرب خمرة؟.. دي حاجة تكسف، ومع احترامي لجمهوره بس دى وجهة نظري".
كما وجه "حسام عبد المنعم" النقد إلى محبي منير قائلا: "هو ده اللي إحنا متعودينه من أتباع منير يبقوا فخورين قوي وسعداء أن الحفلات بتاعته بيطلع ع المسرح وهو شارب ومتدهول وتلاقي منهم الواحد بيبقى سعيد قوي وكأنها حاجة يفتخر بيها الشخص أن الفنان بتاعه صايع ومنحرف".
أنتم مش بتفهموا
ومن ناحيتهم، دافع عشاق محمد منير عنه، فوجه "مودي منير" كلامه إلى أحمد أسامة مؤسس المجموعة قائلا: "يا عم أحمد أسامة أنا طبعا بحترم رأيك بس أحب أقول ليك والناس حاجة بسيطة هى أن الغناء في مصر بدأ فى مرحلة الإنهيار مع موت الجيل اللي قدم أفضل أغاني مصرية عظيمة زي أم كلثوم وعبد الحيلم ولكن ظهر من وسط هذا الانهيار واحد أسمر من طين مصر غنى للحرية للحب للحياة للعشق لمصر للنيل للرخاء.. غنى للصوت والإنسان.. غنى للملامح والوجدان.. غنى للفرصة.. غنى أحزان.. هو محمد منير. وبطريقة بسيطة أنت أكيد مسمعتش محمد منير كويس وإن سمعت بعض الأغاني أكيد مافهمتهاش وده لأن أغانى منير بتحتاج فهم شخصية منير والبيئة اللى اتربى فيها".
كما طالب "مودي" في النهاية محبي منير بالخروج من الجروب قائلا: "لكل محبى منير ياريت تطلعوا من الجروب ده وماتحاولوش تتكلموا معاهم عشان دول مش هيفهموا يعنى إيه منير ويعنى إيه صوت مصر، ووفروا كلامكم معاهم عشان مش هيجيب نتيجة، عشان هما يا مزقوقين يا مش بيفهمونا. وفى الحالتين الكلام مالوش لازمة، وبس عاوز أقول حاجه للي قال أنه مش بيحب منير عشان شكله.. (ربنا يشفيك من اللي أنت فيه ده يا حبيبي)!
